Moasje frjemd - Regy op enerzjyperspektyf foar Hallum en Dokkum

**Jiertal / saaknûmer: 2026-250493** Moasje oer in net op de aginda opnaam ûnderwerp De ried fan de gemeente Noardeast-Fryslân yn gearkomste byinoar op 24-09-2026 Underwerp: **Regy op enerzjyperspektyf foar Hallum en Dokkum** De ried, heard it beried, **konstatearret dat:** - ûndernimmers yn Hallum en Dokkum troch netkongestje beheind wurde yn harren ûntwikkeling en ferduorsuming; - it kolleezje foar de mooglikheden oant no ta foar in wichtich part ferwiisd hat nei de noch fêst te stellen Provinsjale Omjouwingsfisy; - nei fêststelling fan de POVI dúdlik is binnen hokker provinsjale kaders de gemeente fierder wurkje kin; **oerwaget dat:** - it kolleezje nei fêststelling fan de POVI net langer ôfwachtsje kin, mar sels aktyf de regy nimme moat; - ûndernimmers ferlet hawwe fan dúdlikheid oer de oplossings, planning en beslútmominten; - de enerzjy- en netsituaasje fan Hallum en Dokkum faninoar ferskilt en dêrom maatwurk freget; - de formele status fan energievraagkluster benammen bepalend is foar de provinsjale romte foar nije wynturbines, mar gjin betingst is om binnen de kaders fan de POVI aktyf te wurkjen oan enerzjyhubs en oare lokale enerzjy-oplossings **fersiket it kolleezje:** 1. fuort nei fêststelling fan de POVI aktyf de regy te nimmen en mei de provinsje, Liander, TenneT, ûndernimmers en oare belutsen partijen ta útfierbere oplossings foar Hallum en Dokkum te kommen; 2. uterlik 1 desimber 2026 in útfieringsplan mei in konkrete tiidline oan de gemeenteried foar te lizzen, mei dêryn: `o` de ûnderskate stappen en mylpeallen foar Hallum en Dokkum; `o` de noch te beantwurdzjen fragen oer de beskikbere en takomstige netkapasiteit; `o` de ôfspraken dy't mei de provinsje, netbehearders en ûndernimmers makke wurde moatte; `o` de romtlike en finansjele beslútmominten foar de gemeenteried; 3. binnen de fêststelde kaders fan de POVI de maksimale ynspanning te leverjen om ûndernimmers perspektyf en útfieringswissichheid te bieden; 4. it ûntwikkeljen fan enerzjyhubs en oare lokale enerzjy-oplossings net ôfhinklik te meitsjen fan in formele status as energievraagkluster en gjin bewezen, útfierbere en binnen de POVI passende oplossings op foarhân út te sluten; 5. de gemeenteried alle trije moannen te ynformearjen oer de fuortgong, resultaten en eventuele fertragingen en gjin ûnomkearbere romtlike of finansjele ferplichtings oan te gean foardat de ried oer de konkrete oplossings beslute kinnen hat; en giet oer ta de oarder fan de dei . Yntsjinne troch: J. Andringa (FNP), PvdA, LNF |Stemming|Foar:|Tsjin:| |---|---|---| |Moasje ynlutsen|Moasje ynlutsen|Moasje ynlutsen|